شبكة عصفور الاسلامية
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه . إدارة المنتدي . شبكة عصفور الاسلامية

شبكة عصفور الاسلامية


 
الرئيسيةالبوابةدخولالتسجيل

شاطر | 
 

 قمت من النوم فجأة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ehab_sdik
مراقب
مراقب


ذكر
عدد الرسائل : 62
العمر : 44
كيف تعرفت علينا : صديق
50 / 10050 / 100

دعاء :

مُساهمةموضوع: قمت من النوم فجأة   الجمعة 20 فبراير 2009, 12:53 am


قمت من النوم فجأة
في عيني نور غريب وقوي جدا
أستغربت النور ده كله جي
منين
واندهشت لما لقيت الساعه بتشاور على 3 صباحا
وأن مصباح الغرفة مطفي
طيب النور ده كله جي منين
وانفزعت لما لقيت نص ايدي جو الحيطه
شديتها
بسرعه
خرجت
وانا ببصلها بكل اندهاش
رجعتها
تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جمبي
ولقيته بيحلم
بيحلم انه راكب عربيه اخر موديل
وانه
رايح حفلة كبيره قوي
لناس اغنيه قوي
وانه لابس اغلى واشيك لبس
عشان يكون احلى واحد في الحفلة
وكان بيضحك
وفرحان
ابتسمت(بس انا عرفت هو بيحلم بأيه ازاى!!!!!)
بعدين اتفزعت من اللي بيحصل
وقمت من على السرير
وجريت على غرفة أمي وأبي
قعدت اصحي في أمي وأطبطب عليها
وأنديها بس هي مش بتستجيب
قعدت أنديها كنير
وأطبطب كنير
ولقيتها فجأة قامت
كانت مخضوضة قوي
وبتبص يمين وشمال
قولتاها
يا ماما أنت مش شيفانى
لقيتها مش بترد
ولا بتبصلي
قعدت أنادى
أمي
أمي
كانت حاطه أيدها على قلبها
وبتقول

بسم الله الرحمن الرحيم
لقيتها بتطبطب على والدي وبتصحيحه
ولما قام
قالت له قوم نطمن على الأولاد
قالها وده وقته
قالت له معلش قلبي مش مطمن
في حاجه غريبة
وأنا واقف
مستغرب
قعدت أقولها يا ماما
أنا اهو يا ماما
أنت مش شيفانى يماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها
عدت من جوايا
ملقتش غير أنى امشي وراها
ووالدي كان وريا
محاولتش أبصله
عشان ما
يتجاهلنيش برده
ودخلت امى الاوده وفتحت النور
مكنش عندى
فرق
لأن الدنيا كانت منورة أصلا
انفزعت لما لقيتنى نايم على السرير
وقعدت ابص لجسمى وايدى وانا مستغرب
أنا أزاي بقيت اتنين
أنا مين
ومين اللى نايم على السرير ده
ان مكنش أنا
وقطع استغرابي
جملة بابا

"استريحتى يا ستى اهم نايمين اهو "
لكن هي قالتله معلش
انا عاوزه أطمن على محمد
ولقيتهى بتقرب مني
قصدى من الشخص اللى نايم مكانى
وبتطبطب عليه
كانت بتقوله يامحمد
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
رودي عليا
لكن صوتها كان بيزيد خوف وكان بيعلى
كانت
بتنادي
محمد
محمد
وفجأة
صرخت

ولقيت الصرخة بتوجعنى قوي
كانها بتضربنى
بكيت
وقلتلها ما
تصرخيش
وهى بتقول محمد
وبابا جري علي ووضع يده علىوجهي وصرخ وبكى
وحسيت بالوجع تانى
محمد مش بيرد
والبكاء بيزيد وانا مش عارف اعمل ايه
صحي اخويا على الصوت وهو بيسال في ايه
أمي صرخت
اخوك مات يا
احمد
مات
وانا بقولها ببكائي لأ والله
يا أمي
انا أهوه

شوفيني شوفينى
انت مش سمعاني
لكن
ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس
ولما
شوفتهم
مشيوا
وحسيت بطعنه غريبه
وحجات بتقطعنى
بصيت لأحمد لقيته بيصرخ
قلتله اسكت انت بتعذبني
لكنه كان بيزيد في الصراخ
وأمي بتبكي في حضن والدي
والنحيب بيزيد
وقفت قدمهم عاجز
ومزهول
رفعت راسي تانى
وقلت يارب
ايه اللى بيحصل يارب
في ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيوا قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فكشفنا عَنكَ غِطَاءكَ فَبَصَرُكَ الْيَوْمَ حَدِيدٌ
وفى زهول الصوت
لقيت يدين بتطبق عليا
اتنين شكلهم مش من البشر
بيقوليلى تعالى
قلتهم انتم مين
وعاوزين منى
ايه
شدونى
صرخت
سيبونى
ما تخدونيش من اهلى
اهلى فكرنى مت
قالولى ما انت مت فعلا
قلتلهم ازاي
ما انا شايف اهو وبتكلم وحاسس بكل حاجه
ابتسموا وقالوا
عجيب امركم يا بشر كلكم فاكرين ان الموت نهايه الحياة
وما تعرفوش ان حياتكم موت
وحلم طويل هتصحو منه على اليوم ده
على العالم ده
سألتهم انا فين وانتو واخدنى
على فين
قالولي احنا حراسك لحد القبر
اتفزعت
قبر ايه
انتوا هتدخلونى القبر
ردو
كل انسان لازم
يدخل القبر
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انسها
مكنتش بقدر اتخيل نفسي في المكان
الصعب
ده
سألتهم بخوفي
هتسيبونى
قالولي مع عملك
طيب وعملى ده كويس
سكتم
ولقيت واحد بيصرخ وبيبكي وواحد تانى سعيد قوي
وكل واحد فيهم واقف معاه اتنين بردة زى اللى معايا
سألتهم ده بيبكى ليه
قالوا
ده عارف مصيره
طول عمرة كان من اهل الضلال
قلت
يعنى
رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
هما كانو عارفين هما ايه في الدنيا
ودلوقتى عارفين هما فين في الاخره
وانت عشت
طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة
انهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالولى رحمة ربنا واسعه
ولسة الرحلة طويلة
بصيت وريا لقيت عمي
وابويا واخويا
ماشين وراهم أمي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى
ناديت على والدي
قلته يا والدي
خلى بالك من امى واخويا
ناديت على احمد
قلتله يا احمد خلى بالك من نفسك سيبك من الدنيا ومتاع ها
دي رخيصة
قوي
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه في اللحظة دي
الا انهم يسمعونى
وشدنى
الملكين
ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
وخوفى عليهم
انهم مش حاسين باللى انا
حاسه
وحسدى ليهم انهم لسة في الدنيا
بس للأسف
كنت
ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجم كلهم
وقفلوا الباب
والنور تحول سواد
))اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من
لا يحتاج الى أحد
واذا أردت أن تعصي الله .....فاعصه..في مكان لا يراك فيه)) أنشرها لتأخذ ثوابها

اجمل المنى وارق تحياتي

ايهاب صديق



عدل سابقا من قبل ehab_sdik في الجمعة 20 فبراير 2009, 1:31 pm عدل 1 مرات
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: قمت من النوم فجأة   الجمعة 20 فبراير 2009, 2:50 am


مــــــــــــــــــــــشكور كتير اخوي ايهاب بارك الله فيك
قصة موثرة




:يا مقلب القلوب
الرجوع الى أعلى الصفحة اذهب الى الأسفل
ehab_sdik
مراقب
مراقب


ذكر
عدد الرسائل : 62
العمر : 44
كيف تعرفت علينا : صديق
50 / 10050 / 100

دعاء :

مُساهمةموضوع: رد: قمت من النوم فجأة   الجمعة 20 فبراير 2009, 1:03 pm

سلـــــــــــــــــــوي
مشكوره علي مرورك الجميل
الرجوع الى أعلى الصفحة اذهب الى الأسفل
أم مجود الحلو
مشرفة المنتديات الاسلامية
مشرفة المنتديات الاسلامية
avatar

انثى
عدد الرسائل : 698
العمر : 36
كيف تعرفت علينا : صديق
50 / 10050 / 100

دعاء :

بطاقة الشخصية
الاسم:

مُساهمةموضوع: رد: قمت من النوم فجأة   الجمعة 20 فبراير 2009, 7:09 pm


بارك الله فيك اخي ايهاب
موضوع جميل وقصة مؤثرة كتير



الرجوع الى أعلى الصفحة اذهب الى الأسفل
سامح
عضو ماسي
عضو ماسي


ذكر
عدد الرسائل : 183
العمر : 33
كيف تعرفت علينا : الهوت ميل
0 / 1000 / 100

دعاء :

مُساهمةموضوع: رد: قمت من النوم فجأة   الجمعة 20 فبراير 2009, 8:32 pm


جزاك الله خير اخي ايهاب كل نفسن زائقة الموت


وتقو
الرجوع الى أعلى الصفحة اذهب الى الأسفل
فراشـــــــة
نائبة المدير
نائبة المدير
avatar

انثى
عدد الرسائل : 1458
العمر : 32
كيف تعرفت علينا : اخري
0 / 1000 / 100

دعاء :

بطاقة الشخصية
الاسم:

مُساهمةموضوع: رد: قمت من النوم فجأة   الجمعة 20 فبراير 2009, 10:51 pm

شكرا كتير ايهاب عالقصة الرائعة



_________________
يا حبيب الله مــــحـــــمــــد
الرجوع الى أعلى الصفحة اذهب الى الأسفل
ehab_sdik
مراقب
مراقب


ذكر
عدد الرسائل : 62
العمر : 44
كيف تعرفت علينا : صديق
50 / 10050 / 100

دعاء :

مُساهمةموضوع: رد: قمت من النوم فجأة   الأحد 22 فبراير 2009, 3:54 am

أم مجود الحلو
مشكوره علي مرورك الرقيق
الرجوع الى أعلى الصفحة اذهب الى الأسفل
ehab_sdik
مراقب
مراقب


ذكر
عدد الرسائل : 62
العمر : 44
كيف تعرفت علينا : صديق
50 / 10050 / 100

دعاء :

مُساهمةموضوع: رد: قمت من النوم فجأة   الأحد 22 فبراير 2009, 4:02 am

فراشة

مشكوره علي مرورك الرائع
الرجوع الى أعلى الصفحة اذهب الى الأسفل
 
قمت من النوم فجأة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة عصفور الاسلامية  :: منتدي القصص الإسلامية :: قسم القصص الإسلامية-
انتقل الى: